ကျွန်ုပ်တို့၏စစ်မှန်သောအလင်းရှင် ခရစ်တော်

မကြာမီက တနင်္ဂနွေနေ့လယ်ခင်းတစ်ခုတွင် မြို့ပြဆေးရုံကြီးတစ်ခု၌ ထွက်ပေါက် ကိုရှာရင်း ကျွန်မတို့ အခက်အခဲကြုံနေရချိန် ကျွန်မခင်ပွန်းက “အလင်းရှိတဲ့နေရာကို သွား” ဟု အကြံပေးခဲ့သည်။ ဆေးရုံ၌ မိတ်ဆွေတစ်ဦးကို ကျွန်မတို့သွားကြည့်ခဲ့ပြီးနောက် ဓာတ်လှေကားမှအထွက်တွင် အရှေ့ဘက်တံခါးများနှင့် တောက်ပ‌သော အမေရိကန်နိုင်ငံ၊ ကော်လိုရာဒိုပြည်နယ်၏ နေရောင်ခြည်အလင်းရှိရာသို့ ကျွန်မတို့အား လမ်းညွှန်ပေးမည့်သူ တစ်ဦးကိုမှ ရှာမတွေ့ခဲ့ပါ။ ရုံးပိတ်ရက်လည်း ဖြစ်နေသောကြောင့်ပါ။ ဆေးရုံ စင်္ကြန်များတစ်လျှောက် ခြေဦးတည့်ရာလျှောက်သွားနေရင်း ကျွန်မတို့စိတ်ရှုပ်ထွေးနေသည်ကို သတိထားမိသည့် လူတစ်ဦးအား တွေ့လိုက်ရသည်။ “ဒီစင်္ကြံတွေအားလုံးက ပုံစံတူတွေပဲ။ ဒါပေမဲ့ ထွက်ပေါက်က ဒီလမ်းပဲ” ဟု သူက ဆိုသည်။ ထိုလူ၏လမ်းညွှန်မှုဖြင့် အမှန်ပင် တောက်ပသည့်နေရောင်ခြည်ရှိရာဆီသို့ ဦးတည်နေသည့် ထွက်ပေါက်တံခါးများကို ကျွန်မတို့တွေ့ရှိခဲ့သည်။

စိတ်ရှုပ်ထွေးကာ လမ်းပျောက်နေသည့် မယုံကြည်သူများအား ဝိညာဉ်ရေးရာ အမှောင်ထုမှ ထွက်လာရန် သခင်ယေရှု ဖိတ်ခေါ်ထားသည်။ “ငါသည် ဤလောက၏အလင်းဖြစ်၏။ ငါ့နောက်သို့ လိုက်သောသူသည်…

ဉယျာဉ်ထဲတွင်

ကျွန်မဖခင်သည် ဘုရားသခင်၏ ဖန်ဆင်းခြင်းလက်ရာဖြစ်သော သစ်တောထဲတွင် စခန်းချခြင်း၊ ငါးမျှားခြင်းနှင့် လှပသော ကျောက်စရစ်ခဲများ ရှာဖွေခြင်းတို့ကို သဘောကျသည်။ သူသည် နောက်ဖေးခြံနှင့်ဥယျာဉ်၌ လုပ်ကိုင်ရသည်ကိုလည်း သဘောကျသည်။ သို့သော် ထိုသို့လုပ်ကိုင်ခြင်းသည် အလုပ်အလွန်များပါသည်။ အကိုင်းအခက်ချိုင်၊ မြေဆွ၊ မျိုးစေ့နှင့်ပန်းများစိုက်၊ ပေါင်းနုတ်၊ မြက်ရိတ် စသည်ဖြင့် နာရီပေါင်းများစွာကြာအောင် လုပ်ရသည်။ မြေညှိထားသောမြက်ခင်း၊ အရသာရှိသောခရမ်းချဉ်သီးများနှင့် လှပသောနှင်းဆီပွင့် စသည့် ရလဒ်များက ပင်ပန်းရကျိုးနပ်စေပါသည်။ နှစ်စဉ်နှစ်တိုင်း အဖေသည် နှင်းဆီပင်များကို မြေကြီးနားအထိ ကပ်ပြီးညှပ်သော်လည်း နှစ်တိုင်းပင် ပြန်ကြီးထွားကာ သူတို့၏အလှနှင့်မွှေးရနံ့တို့ကို မြင်ရ ရှူရှိုက်ရပါသည်။

အာဒံနှင့် ဧဝတို့ နေထိုင်ခဲ့၊ ရှင်သန်ခဲ့ပြီး၊ ဘုရားသခင်နှင့်မိတ်သဟာယပြုခဲ့သော ဧဒင်ဥယျာဉ်အကြောင်းကို ကမ္ဘာဦးကျမ်းတွင် ဖတ်ရှုရပါသည်။ ထိုဥယျာဉ်တွင် “ထိုမြေထဲက အဆင်းလှ၍၊ စားဖွယ်ကောင်းသော အပင်အမျိုးမျိုးကို ထာဝရအရှင် ဘုရားသခင်ပေါက်စေတော်မူ”သည် (က ၂:၉)။ ပြီးပြည့်စုံနေသောဥယျာဉ်တွင် လှပ၍ရနံ့မွှေးသောပန်းပင်များနှင့်…

စာရင်း၏ထိပ်ဆုံးက

မနက်ခင်းသည် ပြိုင်ပွဲကဲ့သို့ စတင်ခဲ့သည်။ အိပ်ရာမှ ကျွန်တော်အမြန်ထကာ တစ်နေ့တာ အပြီးသတ်လုပ်ရမည့် အလုပ်များထဲသို့ ပစ်ဝင်လိုက်သည်။ ကလေးကျောင်းပို့ခြင်း-ပြီး။ အလုပ်သွားခြင်း- ပြီး။ “လုပ်ရန်” စာရင်းတွင် ကိုယ်ရေးကိုယ်တာ လုပ်ဆောင်ရန်နှင့် အလုပ်တာဝန်များကို တစ်ခုပြီးတစ်ခု ကျွန်တော် အလျင်အမြန် စုပြုံထည့်သွင်းရေးသားနေပုံမှာ နှင်းတောင်ထုကြီး ပြိုဆင်းလာသကဲ့သို့ပင်။

“အလုပ်နံပါတ် ... ၁၃ - ဆောင်းပါးတည်းဖြတ်။ ၁၄ - ရုံးခန်းသန့်ရှင်းရေးလုပ်။ ၁၅ - နည်းဗျူဟာအဖွဲ့နှင့် အစီအစဉ်ဆွဲ။ ၁၆ - နည်းပညာဘလော့ဂ်ရေး။ ၁၇ - မြေအောက်ခန်းရှင်း။ ၁၈ - ဆုတောင်း”။

နံပါတ် ၁၈ သို့ ရောက်သောအခါ ဘုရားသခင်၏အကူအညီကို ကျွန်တော်လိုအပ်ကြောင်း သတိရလာသည်။ သို့သော် ကျွန်တော်သည် မိမိဘာသာ အရှိန်နှင့်အားထုတ်လုပ်ရင်း ကျွန်တော်တစ်ယောက်တည်း ကြိုးစားနေကြောင်းကို ထိုနံပါတ်အထိ ရောက်မှ ကျွန်တော်…

သင့်၌ရှိသည့်အရာကို သခင်ယေရှုအတွက် သုံးပါ

‘The Sewing Hall of Fame’ (အပ်ချုပ်သူများအား ဂုဏ်ပြုအဖွဲ့) ဆိုသည်ကို သင် ကြားဖူးပါသလား။ ၂၀၀၁ ခုနှစ်တွင် စတင်တည်ထောင်ခဲ့သော ထိုအဖွဲ့သည် “အချုပ်အလုပ်ပညာနှင့် ထုတ်ကုန်ချုပ်ထည်များဖြင့်၊ တစ်မူထူးခြား၍ ဆန်းသစ်သောလက်ရာများဖြင့် အိမ်တွင်းမှု အပ်ချုပ်လောကတွင် ခိုင်မာသော သက်ရောက်မှုများ” လုပ်နိုင်ခဲ့သူတို့အား ဂုဏ်ပြုပေးသည်။ ထိုသူများထဲတွင် ၂၀၀၅ ခုနှစ်က ဂုဏ်ပြုခံခဲ့ရသူ၊ “သုတ္တံကျမ်း ၃၁ တွင် ဖော်ပြထားသည့်အမျိုးသမီးမျိုး၊ သူမ၏ခွန်အား၊ ဈာန်ဝင်စားမှုနှင့် ခံစားရသောကောင်းချီးတို့အား လူရှေ့တွင် အမြဲအသိအမှတ်ပြုသူ”ဟု ဖော်ပြခံရသူ Martha Pullen (မာသာပူလန်)လည်း ပါဝင်သည်။

အပ်ချုပ်သူများဂုဏ်ပြုအဖွဲ့သည် (၂၁) ရာစုမှ ပေါ်ပေါက်လာခြင်းဖြစ်သော်လည်း ၎င်းသာ (၁) ရာစုကတည်းက ဣသရေလပြည်တွင် ရှိနေခဲ့ပါက တဗိသ ဟူသောအမျိုးသမီးသည် ဂုဏ်ပြုခံရမည်မှာ အသေချာပင်။ တဗိသသည် သခင်ယေရှုကို ယုံကြည်သူဖြစ်ကာ သူမ၏ရပ်ရွာမှ ဆင်းရဲသောမုဆိုးမများအတွက်…

ကျွန်ုပ်တို့၏ မျှော်လင့်ခြင်းကျောက်ဆူး

အလင်းရောင်သိပ်မရှိသောလမ်းကြားတစ်ခုထဲတွင် ကတ်ထူပြားများခြုံ၍ အိပ်နေကြသည့် အိမ်ယာမဲ့လူများ၏ပုံကို ကျွန်မကိုင်ပြလိုက်ပြီး “သူတို့ ဘာတွေလိုအပ်မလဲ” ဟု ဆန်းဒေးစကူးလ်မှ (၆) တန်းကလေးများအား ကျွန်မမေးလိုက်သည်။ “အစားအသောက်”၊ “ပိုက်ဆံ” စသည်ဖြင့် ဖြေကြသည်။ ယောကျ်ားလေးတစ်ဦးက “လုံခြုံသောနေရာတစ်ခု” ဟု စဉ်းစဉ်းစားစားဖြေသည်။ ထိုနောက် မိန်းကလေးတစ်ဦးက “မျှော်လင့်ချက်” ဟု ထဖြေပြီး၊ “မျှော်လင့်ခြင်းဆိုတာ ကောင်းတဲ့အရာတွေ ဖြစ်လာဖို့ စောင့်စားတာပါ” ဟု သူမက ရှင်းပြသည်။

စိန်ခေါ်မှုများကြောင့် ဘဝတွင် ကောင်းသောအရာများကို စောင့်စားရန် ခက်ခဲနိုင်သော်လည်း သူမက ထိုသို့ ‘စောင့်စားရန်’ ပြောခြင်းကို ကျွန်မစိတ်ဝင်စားမိသည်။ သမ္မာကျမ်းစာကမူ မျှော်လင့်ခြင်းနှင့်ပတ်သက်၍ ကျွန်မတပည့်နှင့် သဘောတူသည့်ပုံစံမျိုး ဖော်ပြပါသည်။ “ယုံကြည်ခြင်းသည် မျှော်လင့်သောအရာတို့ကို မျက်မှောက်ပြုခြင်း” ဖြစ်လျှင် (ဟေဗြဲ ၁၁:၁) ခရစ်တော်၌ယုံကြည်သူ ကျွန်မတို့သည် ကောင်းသောအရာများဖြစ်လာနိုင်ရန် မျှော်လင့်နိုင်ပါသည်။

ခရစ်တော်၌ ယုံကြည်သူများအနေနှင့် ယုံကြည်စိတ်ချစွာ…